Մի կասկածեք Արցախի և ընդհանրապես Հայաստանի հարցով վճռականությանս․ Մակրոնը՝ հայ համայնքին

Ֆրանսիայի նախագահ Էմանուել Մակրոնը եռօրյա այցելության շրջանակում հանդիպում է ունեցել Մարսելի ազդեցիկ հայ շրջանակների հետ: Այս մասին հայտնում է ՀՅԴ կայքը:

Մարսելի հայ համայնքի հետ հանդիպմանը, որին ներկա է եղել նաև Ազգային ժողովի պատգամավոր Սաբրինա Ակրեսթի-Ռուբաշը, դիմել է նախագահին՝ ասելով, որ Արցախի շրջափակման և ադրբեջանական հարձակման պայմաններում նրանից ավելի ազդեցիկ նախաձեռնություն են սպասում, ավելի գործնական, ոչ միայն բարոյական:

Մակրոնը պատասխանել է, որ ինքը ճնշում է գործադրում Ալեիևի և Փաշինյանի վրա:

«Ես Ալիևի վրա ավելի մեծ ճնշում եմ գործադրում, քան Փաշինյանի: Ես Արցախի հարցով միակն եմ, որ հստակ կեցվածք ու պատգամ ունեմ»,- ասել է նա:

Նախագահը հավելել է, որ չկասկածեն Արցախի և Հայաստանի հարցով իր վճռականության վրա:

«Պիտի շարունակեմ ջանքս, եթե նույնիսկ այս օրակարգով միակն եմ միջազգային ընտանիքում»,- եզրափակել է Ֆրանսիայի նախագահը: