Ադրբեջանում Ֆրանսիայի դեսպան Անն Բոյյոնը կանչվել է ԱԳՆ
Ադրբեջանում Ֆրանսիայի դեսպան Անն Բոյյոնը կանչվել է այդ երկրի ԱԳՆ: Այս մասին հայտնում են ադրբեջանական լրատվամիջոցները: Նրան խնդրել են պարզաբանումներ տալ Էմանուել Մակրոնի՝ Ֆրանսիայում հայ համայնքի ներկայացուցիչների հետ հանդիպմանը՝ մամուլում տարածված նրա հայտարարությունների վերաբերյալ:
Ի պատասխան՝ դեսպանն ասել է, որ տեղեկություն չունի այս հարցի վերաբերյալ։ Ադրբեջանական կողմը սպասում է, որ պաշտոնական Փարիզը հաստատի կամ հերքի Էմանուել Մակրոնի անունից հնչեցված կարծիքները։
Հիշեցնենք՝ նախօրեին ՀՅԴ հանրային կապերի գրասենյակը հաղորդագրություն էր տարածել՝ տեղեկացնելով, որ Մարսելի հայ համայնքի ներկայացուցիչների հետ հանդիպման ժամանակ Մակրոնն ասել է, որ ինքն Ալիևի վրա ավելի շատ ճնշում է բանեցրել, քան Փաշինյանը:
