Արցախը երբեք չի եղել և չի լինելու անկախ Ադրբեջանի կազմում. Թովմասյան
Արցախը երբեք չի եղել և չի լինելու անկախ Ադրբեջանի կազմում և դրա շուրջ ցանկացած քննարկում մեզ համար անընդունելի է։ Այս մասին Արցախի խորհրդարանում հայտարարել է ԱԺ նախագահ Արթուր Թովմասյանը՝ պնդելով, որ դա իրենց կարմիր գիծն է, և ոչ ոք իրավունք չունի այն խախտելու։
Նրա խոսքով՝ Արցախում տեղի ունեցողը կատարվում է միջազգային հանրության լուռ համաձայնությամբ։ Ըստ նրա` ԵԱՀԿ ՄԽ համանախագահները և այդ երկրների առաջնորդները պետք է հասկանան, որ մեր երկրի բռնակցումն Ադրբեջանին կբերի Արցախի հայաթափմանն ու ոչնչացմանը։
«Մենք չենք կարող փոխել աշխարհի կարգը։ Փոքրիկ Արցախն իրենից վտանգ չի ներկայացնում, բայց վտանգված է մեր ժողովրդի անվտանգ ու լիարժեք ապրելու իրավունքը։ Ադրբեջանը կանխամտածված սովամահ է անում արցախցիներին և ցանկանում բնաջնջել նրանց»,- ասել է նա։
Արցախի պատգամավորները մեկ լոպե լռությամբ հարգեցին այսօր զոհվածների հիշատակը։
