Դոնալդ Թրամփը ժամանել է Մայամի և այսօր ներկայանալու է դատարան

ԱՄՆ նախկին նախագահ Դոնալդ Թրամփն այսօր կներկայանա Մայամիի դատարան, որտեղ նրան կներկայացնեն մեղադրանքները` կապված Սպիտակ տնից գաղտնի նյութերի դուրսբերման հետ, իսկ նա կկարողանա պաշտոնապես հայտարարել, որ իրեն մեղավոր չի ճանաչում։ 

Սկսվող գործընթացի ընթացքում դատախազությունը կփորձի ապացուցել, որ Թրամփը խախտել է օրենքը, երբ արդեն մասնավոր անձ լինելով, պահպանել է ռազմական կարողությունների, ծրագրերի և ԱՄՆ խոցելիության մասին տեղեկությունը դրա համար չնախատեսված մասնավոր նստավայրում։ Մայամին պատրաստվում է բողոքի ցույցերի: Մայամիի իշխանությունները դաշնային իշխանությունների հետ ակտիվ համակարգում են անվտանգության պլանը: 

Ոստիկանությունն ակնկալում է, որ ցույցերին կմասնակցի 5000-ից 50 000 մարդ։