6-րդ հարկից երեխայի հետ նետված կինը զբաղվել է լրագրությամբ, բլոգինգով. վերջերս էր վերադարձել Բալիից

Հունիսի 1-ին Երևան քաղաքում կնոջ կողմից իր մանկահասակ երեխայի հետ շենքից ցած նետվելու դեպքի առթիվ քրեական վարույթ է նախաձեռնվել։ 

 

Auroranews-ին տվյալ տարածքի բնակիչները պատմել են,  մահացած կինը զբաղվել է լրագրությամբ, բլոգինգով: Ամուսնության առաջարկությունը ստացել էր Հանրային հեռուստաընկերության եթերում: Նա վերջերս էր վերադարձել Բալիից, որտեղ ապրել էր 5 ամիս և մոտ 1 ամիս առաջ նշել էր  29-ամյակը: 

 

Հիշեցնենք, որ Քննչական կոմիտեն հայտնել  էր, որ  2023թ․ հունիսի 01-ին` ժամը 12:25-ին, ՀՀ ՆԳՆ ոստիկանության օտերատիվ կառավարման կենտրոնից հաղորդում է ստացվել, որ Երևան քաղաքի Սվաճյան փողոցի շենքերից մեկի հարկերից մեկից մայրը և երեխան ընկել են: 

 

Պարզվել է, որ Երևան քաղաքի Հարավ-Արևմտյան թաղամասի 29-ամյա բնակչուհին, որպես հյուր գտնվելով Սվաճյան փողոցի նշված շենքի 6-րդ հարկի բնակարաններից մեկում, ննջասենյակի պատուհանից իր մոտ 11-ամսական տղայի հետ ցած ներտվելու եղանակով ինքնասպան է եղել: Նույն օրը, ավելի ուշ, «Սուրբ Աստվածամայր» ԲԿ-ից ահազանգ է ստացվել, որ նշված շենքի բակից իրենց մոտ տեղափոխված երեխան, գիտակցության չգալով, մահացել է:

Քաղաքականություն

Պատահարներ