ՏԵՍԱՆՅՈՒԹ․ Վերին Լարսում հեղեղման հետ կապված իրավիճակը չի ազդել տրանսպորտի տեղաշարժի վրա․ կցորդ

«Վերին Լարս» անցակետում ռուսական կողմից մայրուղու երկու հատվածների հեղեղման հետ կապված իրավիճակը չի ազդել սահմանով երթևեկության վրա։ Տեղեկությունը Sputnik Արմենիային հայտնել է ՌԴ-ում ՀՀ դեսպանությանը կից մաքսային կցորդ Վահան Հակոբյանը։

 

Ավելի վաղ հաղորդվել էր, որ երեկ «Վերին Լարս» անցակետի շրջանում Թերեք գետի ջրի մակարդակը մինչև 130 սմ էր հասել և ողողել էր Վլադիկավկազ-ստորին Լարս-Վրաստանի հանրապետության սահման դաշնային ավտոճանապարհի 20 – րդ և 22 – րդ կմ-ի հատվածները: Պատճառը առատ տեղումներն ու սառույցի ակտիվ հալոցքն է։

 

«Իսկապես երկու վայրում փլուզում է տեղի ունեցել, սակայն դա չի ազդել ճանապարհային երթևեկության և նշված տեղանքում տրանսպորտային միջոցների տեղաշարժի վրա», - ասել է կցորդը:

 

«Կովկաս» ճանապարհային կառավարման կազմակերպության մամուլի ծառայությունն էլ հայտնում է, որ արտակարգ իրավիճակի հետևանքների վերացման աշխատանքներում ներգրավված են 20 ճանապարհային աշխատողներ և տասը միավոր հատուկ տեխնիկա:

 

Տեղադրվել է 18 երկաթբետոնե բլոկ՝ ջրի հոսքը շեղելու համար, այժմ լրացուցիչ կտեղադրվի ևս 10 բլոկ։ Սա հնարավորություն կտա ափային ամրացման աշխատանքներ իրականացնել։

 

Հիդրոօդերևութաբանական ծառայության տվյալներով՝ մայիսի 31-ի դրությամբ ջրի մակարդակը նվազում է ու նվազել է 38 սմ-ով: Տեղում իրավիճակի վերահսկողությունն իրականացնում են «Կովկաս» ճանապարհային կառավարման ընկերության մասնագետները: Երթևեկությունը կազմակերպվում է բնականոն ռեժիմով երկու գոտիով:

Քաղաքականություն

Պատահարներ