Երեխաները գտնվում են վերակենդանացման բաժանմունքում. մանրամասներ՝ Արտաշատ-Գառնի ճանապարհին տեղի ունեցած վթարից

Արտաշատ-Գառնի ճանապարհին տեղի ունեցած վթարի հետևանքով վնասվածքներ ստացածներից 4-ը վերակենդանացման բաժանմունքում են։ Տեղեկությունը հայտնում է «Սուրբ Աստվածամայր» ԲԿ-ի մամուլի ծառայությունը։

«Սուրբ Աստվածամայր»–ից հայտնում են, որ տուժածները տեղափոխվել են «Գրիգոր Լուսավորիչ» ԲԿ։

«Տուժածներից 4-ին «Սուրբ Աստվածամայր» ԲԿ-ի բժիշկները տեղափոխել են կլինիկայի վերակենդանացման բաժանմունք։ Վիրավորներից 3-ի վիճակը գնահատվում է շատ ծանր, մեկի վիճակը՝ ծայրահեղ ծանր։ Վիրավորների մոտ առկա են գանգուղեղային վնասվածքներ, կրծքավանդակի և որովայնի սալջարդեր, մեկի մոտ կա նաև վերջույթների կոտրվածքներ»,- ասված է հաղորդագրությունում։

Բոլոր երեխաները գտնվում են վերակենդանացման բաժանմունքում` բժիշկների հսկողության տակ։

Հիշեցնենք՝ հայտնել էինք, որ բախվել են «Վազ 2106» և «Volkswagen ID 4» մեքենաները: «Վազ 2106»–ով Արտաշատից Գառնի էին մեկնում պատանի ըմբշամարտիկներն ու մարզիչները` մրցումների մասնակցելու։Վթարի հետևանքով կա 1 զոհ և 7 վիրավոր։