Նյու Յորքում Թուրքիայի հյուպատոսության շենքի պատուհանները կոտրել են
Անհայտ անձը կոտրել է շենքի պատուհանները, որտեղ տեղակայված է Նյու Յորքում Թուրքիայի հյուպատոսությունը։ Հանցագործության դրդապատճառները դեռևս հայտնի չեն։ Տեղեկությունը հայտնում է Ria.ru` հղում անելով քաղաքի ոստիկանության վարչությանը։
Ըստ տեղեկատվության` այդ շենքում է գտնվում նաև ՄԱԿ-ում Թուրքիայի մշտական ներկայացուցչությունը:
Նշվում է, որ տղամարդը մոտեցել է հյուպատոսարանին, կոշտ առարկայով բազմակի հարվածներ է հասցրել պատուհաններին, այնուհետև փախել անհայտ ուղղությամբ:
Ընդհանուր առմամբ 11 պատուհան է կոտրվել, ոչ ոք չի տուժել։ Հաղորդվում է, որ ընթանում է հետաքննություն, իսկ այս պահի դրությամբ ոչ ոք չի ձերբակալվել։