Հայաստանի ՀՆԱ–ն առաջին եռամսյակում կազմել է շուրջ 1.8 տրիլիոն ՀՀ դրամ

Հայաստանի համախառն ներքին արդյունքը (ՀՆԱ) 2023թ․-ի առաջին եռամսյակի ընթացիկ գներով կազմել է 1 տրլն 788 մլրդ 233.7 մլն ՀՀ դրամ։ Տեղեկությունը հայտնում է ՀՀ կառավարության աշխատակազմի մամուլի ծառայությունը։
 

«Նախորդ տարի նույն ժամանակահատվածում այն եղել է 1 տրլն 484 մլրդ 336.9 մլն ՀՀ դրամ: 2023թ.-ի առաջին եռամսյակում նախորդ տարվա նույն եռամսյակի համեմատ ՀՀ-ում ՀՆԱ-ն ավելացել է 12.1 %-ով»,– ասված է հաղորդագրությունում։
 

2023թ.-ի առաջին եռամսյակում Հայաստանում մեկ շնչի հաշվով ՀՆԱ-ն կազմել է 600 հազար 240 ՀՀ դրամ, իսկ նախորդող տարվա նույն ժամանակահատվածում՝ 501 հազար 211 ՀՀ դրամ: