ՏԵՍԱՆՅՈՒԹ. Պետք է ամեն ինչ անենք, որ այդ չարիքը նվազի. ՔՊ պատգամավորը` կոկաինի մասին
Ես հետեւում եմ տարբեր զեկույցների եւ դրանցում նշվում է, որ ՀՀ-ում թմրանյութերի օգտագործումը վերջին տարիներին բավական շատացել է. սա նաեւ որոշ ինստիտուտների այս ուղղությամբ ոչ լիարժեք աշխատանքի հետեւանք է: Այս մասին NEWS.am-ի հետ զրույցում նշել է ԱԺ ՔՊ խմբակցության պատգամավոր Վաղարշակ Հակոբյանը՝ անդրադառնալով մեկ տոննա կոկաինի Հայաստան ներմուծելու փաստին:
«Մենք որպես իշխանություն ամեն ինչ պետք է անենք, որ այդ չարիքը նվազի եւ հասնի մինիմալի, բայց նաեւ որպես հասարակությունը պետք է այդ ամենը անենք»,-ասել նա:
Տեսակետին, թե առանց բարձրաստիճան պաշտոնյաների ներգրավման հնարավոր չէր նման ծավալի կոկաին ներկրել Հայաստան, ՔՊ-ական պատգամավորն ասել է.
«Ես չեմ կարող գնահատական տալ, բայց այն բոլոր պաշտոնյաները, եթե կան այդպիսիք, որոնք ներգրավված են, պետք է պատժվեն: Ես նաեւ չեմ բացառում, որ եղել է որոշակի շրջանառություն, որը չի բացահայտվել: Սա շատ ցավալի իրականություն է»:
Մանրամասները` տեսանյութում:
