Բարաք Օբամային արգելել են մուտք գործել Ռուսաստան
ԱՄՆ նախկին նախագահ Բարաք Օբամային արգելել են մուտք գործել Ռուսաստանի Դաշնություն։ Ինչպես նշել են ՌԴ ԱԳՆ կայքում՝ Ռուսաստանը պատժամիջոցներին արձագանքել է արգելելով ԱՄՆ 500 քաղաքացու մուտքը երկիր։
«Վաղուց ժամանակն է, որ Վաշինգտոնն իմանա, որ Ռուսաստանի դեմ ոչ մի թշնամական հարձակում չի մնա առանց ուժեղ արձագանքի։ Հետևողականորեն կիրառվելու է պատժի անխուսափելիության սկզբունքը՝ անկախ նրանից՝ խոսքը խստացված պատժամիջոցների ճնշման մասին է, թե մեր համաքաղաքացիների մասնագիտական գործունեությունը խոչընդոտելու խտրական քայլերի մասին»,- ասված է հայտարարության մեջ։
Նախարարությունը պարզաբանել է, որ «ստոպ ցուցակում» ներառվել են ««նշանակալի» գործիչներ, գործադիր իշխանության տարբեր մակարդակների ներկայիս ղեկավարներ, նախկին պաշտոնյաներ, սենատորներ և կոնգրեսականներ, որոնք առաջին անգամ ընտրվել են նոյեմբերի ընտրություններում, փորձագետներ և «վերլուծական» կենտրոնների աշխատակիցներ, ինչպես նաև Կիևի ռեժիմին զենք մատակարարող ռազմարդյունաբերական համալիրների ընկերությունների ղեկավարները»։
