Ցանկացած ստորագրություն՝ առանց Արցախի ժողովրդի ինքնորոշման իրավունքը հաշվի առնելու, կլինի ոչ լեգիտիմ․ արցախցի պատգամավոր
Հայաստանի վարչապետ Նիկոլ Փաշինյանի և, առհասարակ, Արցախի վերաբերյալ այս կամ այն ժամանակահատվածում գործող իշխանության ցանկացած ստորագրություն՝ առանց Արցախի ժողովրդի ինքնորոշման իրավունքը հաշվի առնելու, կլինի ոչ լեգիտիմ։ Այս մասին News.am -ի թղթակցի հետ զրույցում ասել է Արցախի խորհրդարանի «Արդարություն» խմբակցության ղեկավար Դավիթ Գալստյանը։
Նա հիշեցրել է, որ 1992 թվականին Հայաստանի Գերագույն խորհուրդը որոլ է, որ Հայաստանի համար անընդունելի է ցանկացած միջազգային կամ ներպետական փաստաթուղթ, որտեղ Լեռնային Ղարաբաղի Հանրապետությունը կհիշատակվի Ադրբեջանի կազմում։ Ուստի այս նորմատիվ իրավական ակտը շրջանցող ցանկացած որոշում, ըստ նրա, կլինի թե՛ Հայաստանի Սահմանադրության, թե՛ օրենքի խախտում։
«Արցախի ժողովուրդը բազմիցս ասել է, որ պաշտպանելու է իր ինքնորոշման իրավունքը, Արցախի Հանրապետությունը չի կարող լինել Ադրբեջանի կազմում։ Սա պետք է հասկանալ, և բոլոր քայլերը պետք է տեղավորվեն այս գաղափարի մեջ։ Այս տրամաբանությունից դուրս ցանկացած գործողություն, ցանկացած ստորագրություն ոչ լեգիտիմ է»,-նշել է արցախցի պատգամավորը:
Մանրամասները՝ սկզբնաղբյուրում։
