Pernod Ricard-ը դադարեցրել է ալկոհոլի մատակարարումը Ռուսաստան
Ֆրանսիական Pernod Ricard կոնցեռնը դադարեցրել է ալկոհոլի մատակարարումը Ռուսաստան։
«Pernod Ricard-ը կարող է հաստատել, որ 2023 թվականի ապրիլի վերջին դադարեցրել է իր միջազգային ապրանքանիշերի բոլոր մատակարարումները Ռուսաստան», - նշվում է ընկերության հայտարարության մեջ։
Հաղորդվում է, որ մի քանի ամիս կպահանջվի, որ ընկերությունը դադարեցնի վաճառքը Ռուսաստանում։
Հիշեցնենք, որ ապրիլին կոնցեռնի մաս կազմող շվեդական Absolut-ը նույնպես դադարեցրել է մատակարարումները Ռուսաստանի Դաշնություն։ Ավելի վաղ ընկերությունը հայտարարել էր, որ մասամբ կվերսկսի իր արտադրանքի արտահանումը ռուսական շուկա, սակայն դա բուռն արձագանք էր առաջացրել Շվեդիայում, որին հաջորդել էր մատակարարումները դադարեցնելու որոշումը:
