Եվրոպական հանձնաժողովի Ուրսուլա ֆոն դեր Լայենը ժամանել է Կիև
Եվրոպական հանձնաժողովի ղեկավար Ուրսուլա ֆոն դեր Լայենը մայիսի 9-ին ժամանել է Կիև։ Այս մասին նա գրառում է կատարել թվիթերյան իր միկրոբլոգում:
«Լավ է նորից լինել Կիևում, որտեղ ԵՄ համար կարևոր արժեքները պաշտպանվում են ամեն օր։ Այդ պատճառով սա համապատասխան վայր է՝ նշելու Եվրոպայի օրը»,- գրել է Ուրսուլա ֆոն դեր Լայենը:
Նշենք, որ նախօրեին Զելենսկին հրամանագիր էր ստորագրել, որով նախատեսվում է նաև Երկրորդ աշխարհամարտում նացիստական Գերմանիայի դեմ տարած հաղթանակի օրը մայիսի 9-ից տեղափոխել մայիսի 8։
