«Ռուսաստանը կպարտվի այնպես, ինչպես նացիզմը». Վլադիմիր Զելենսկի
Ուկրաինայի նախագահ Վլադիմիր Զելենսկին խոստացել է, որ ռուսական զորքերը Ուկրաինայում կկրեն նույն պարտությունը, ինչ նացիստական Գերմանիան Երկրորդ համաշխարհային պատերազմում։
«Բոլոր հին չարիքները, որոնց վերադարձնում է ժամանակակից Ռուսաստանը, կպարտվեն այնպես, ինչպես նացիզմը պարտվեց», - ասել է նա երկուշաբթի՝ մայիսի 8-ին հրապարակված տեսաուղերձում, որը նկարահանվել է Կիևi պատերազմի հուշահամալիրում:
«Ինչպես այն ժամանակ մենք ոչնչացրեցինք չարը միասին, այնպես էլ հիմա մենք ոչնչացնում ենք նմանատիպ չարիքը», - հավելել է Զելենսկին։ Նրա խոսքով՝ Կրեմլը պատասխանատու է ագրեսիայի ու անեքսիայի, օկուպացիայի ու տեղահանության, ջարդերի ու խոշտանգումների համար։
«Այս ամենին կպատասխանի մեր հաղթանակը՝ Ուկրաինայի և ազատ աշխարհի հաղթանակը»,- ընդգծել է Զելենսկին։
