Ռուս հաքերները ԱՄՆ-ի պաշտպանության համար վտանգավոր գաղտնի տվյալներ են վաճառում

Հայտնաբերվել են բազմաթիվ խմբեր, որոնք Telegram - ում վաճառում են ամերիկյան գաղտնի փաստաթղթեր, այդ թվում՝ պաշտպանական և ֆինանսական:

Ըստ Financial Times-ի լրագրողների նրանցից շատերը կապված են ռուս հաքերների հետ։ Թերթը սեփական հետաքննություն է անցկացրել և Telegram-ում հայտնաբերել բազմաթիվ խմբեր, որոնցում հաքերները վաճառում են տասնյակ հազարավոր գաղտնի տվյալներ, որոնցից մի քանիսն ուղղակի վտանգ են ներկայացնում ԱՄՆ պաշտպանության համար։ 
 

«Նույնիսկ հին գաղտնի փաստաթղթերը գործառնական արժեք ունեն. դրանք ցույց են տալիս, թե ինչպես ենք մենք մոտենում խնդիրներին, ինչպես ենք գնահատում սպառնալիքները, ինչպես ենք կրթում մարդկանց», - նշում է FT-ն: 

Միևնույն ժամանակ, որոշ հաքերներ լրագրողներին ասել են, որ այս բոլոր խմբերը միայն այսբերգի գագաթն են։ Հաքերներից մեկը լրագրողներին ցույց է տվել արդյունաբերական գործընթացի թեստային տվյալներ, որոնք նկարագրված են որպես համաձուլվածքի արտադրություն, որն օգտագործվում է ԱՄՆ-ի հետևակի մարտական մեքենաների զրահը ամրացնելու համար: Մեկ այլ ալիքում էլ, թերթի լրագրողը կարողացել է ձեռք բերել այն մարդկանց ցուցակը, որոնց արգելված է թռչել ԱՄՆ, այնտեղից կամ երկրի ներսում։