Բեռլինի դատարանն արգելել է մայիսի 9-ին ցուցադրել Ռուսաստանի դրոշը
Բեռլինի Գերագույն վարչական դատարանը չեղյալ է հայտարարել մայիսի 8-ին և 9-ին կայանալիք միջոցառումներին ռուսական դրոշների և խորհրդանիշների ցուցադրման թույլտվությունը։ Այս մասին հայտնում է Tagesschau-ն։
Դատարանը որոշել է, որ արգելվում է ցուցադրել և կրել ԽՍՀՄ դրոշը, ինչպես նաև Սուրբ Գեորգիևյան ժապավեններն ու դրոշները։ Այս որոշումը չի կարող բողոքարկվել։
Մայիսի 5-ին Բեռլինի ոստիկանությունը ժամանակավոր արգելք է դրել Ռուսաստանի և Ուկրաինայի դրոշների օգտագործման վրա Տրեպտո այգում, Տիերգարտենում և Շյոնհոլցեր Հայդե զբոսայգում գտնվող խորհրդային հուշահամալիրներում: Միաժամանակ հաղորդվել է, որ սահմանափակումները չեն տարածվի Երկրորդ համաշխարհային պատերազմի վետերանների և դիվանագետների վրա։
Մայիսի 7-ին Բեռլինի վարչական դատարանը չեղարկել է ոստիկանության արգելքը։
Պարզաբանվել է, որ թույլտվությունը վերաբերում է միջոցառմանը, որը նախատեսվում է անցկացնել մայիսի 9-ին Հունիսի 17 փողոցում։
Ոստիկանությունը բողոքարկել է այս որոշումը։
