Ես էլ կարող էի հազար տարբեր պատճառ գտնել Թուրքիա չժամանելու համար, բայց ես այստեղ եմ. Ալեն Սիմոնյան
Այսօր Անկարայում մամուլի ասուլիսի ժամանակ ԱԺ նախագահ Ալեն Սիմոնյանն ասել է, որ ցանկության դեպքում միշտ էլ կարելի է հարաբերությունները վատացնելու պատճառներ գտնել։
«Ես էլ կարող էի հազար տարբեր պատճառ գտնել Թուրքիա չժամանելու համար, բայց ես այստեղ եմ, որպեսզի թուրք հասարակությանն ասեմ, որ Հայաստանը պատրաստ է խաղաղության և հարաբերությունների կարգավորման՝ առանց նախապայմանների», - ասել է ՀՀ ԱԺ նախագահը:
Հիշեցնենք` «Նեմեսիս» հուշարձանի տեղադրումից հետո Թուրքիան Հայաստանից դեպի երրորդ երկրներ թռիչքների համար փակել է իր օդային տարածքը, իսկ մայիսի 3-ին` Ալեն Սիմոնյանի Անկարա այցի օրը, Թուրքիայի ԱԳ նախարար Մևլութ Չավուշօղլուն հայտարարել էր, որ միայն բացառության կարգով թույլատրել են Ալեն Սիմոնյանի օդանավի թռիչքը:
