Երևանը շահագրգռված չէ Անկարայի հետ հարաբերությունների կարգավորմամբ. Էրդողանի վարչակազմ

Հայաստանը շահագրգռված չէ Թուրքիայի հետ հարաբերությունների կարգավորմանն ուղղված քայլերով, Թուրքիայի նախագահի աշխատակազմից ասել են Turkic World («Թյուրքական աշխարհ») ինտերնետային պարբերականին:
 

«Ցավոք, Հայաստանի իշխանությունները 1915 թվականի իրադարձությունների առնչությամբ չեն կարող ինքնուրույն գործել՝ առանց հայկական սփյուռքի թելադրանքի», - հայտարարել է Էրդողանի վարչակազմը:
 

«Լուրջ խնդիր է այն, որ Հայաստանն ու հայկական սփյուռքը դեռևս արմատներ են ձգում պատմության չապացուցված խորքերում: Դա լուրջ խոչընդոտ է ժամանակակից և մշակութային աշխարհին այս հասարակության ինտեգրման համար», - պնդել է Թուրքիայի նախագահականը և վստահեցրել, թե Թուրքիան չի ամաչում իր պատմությունից, քանի որ դրա ամբողջ ընթացքում «մշտապես պաշտպանել է ճշմարտությունը և արդարությունը»: