Միայն բացառության կարգով թույլատրել ենք Ալեն Սիմոնյանի օդանավի թռիչքը. Չավուշօղլու

Թուրքիայի ԱԳ նախարար Մեւլութ Չավուշօղլուն պարզաբանել է հայկական օդանավերի համար Թուրքիայի օդային տարածքը փակելու պատճառը։

Թուրքիայի ԱԳ նախարար Մեւլութ Չավուշօղլուն հայտարարել է, թե Թուրքիայի համար անընդունելի է, որ Հայաստանում մեծարում են 1920–ականներին թուրքերիմ եւ ադրբեջանցիներին սպանողներին եւ հուշարձան տեղադրում։ Նա սպառնացել է, որ եթե նման բաները շարունակվեն, բացի օդային սահմանները փակելուց, այլ միջոցներ էլ կձեռնարկվեն Հայաստանի դեմ։

«Միայն բացառության կարգով թույլատրել ենք Հայաստանի Ազգային ժողովի նախագահի օդանավի թռիչքը, քանի որ նա պետք է Սեւծովյան տնտեսական համագործակցության միջոցառմանը մասնակցի։ Եթե Հայաստանը նման կերպ շարունակի, հուշարձանը չհանի, ապա լրացուցիչ քայլեր ենք ձեռնարկելու»,–ասել է Չավուշօղլուն։

Նշենք, որ օրեր առաջ Երեւանում բացվել է «Նեմեսիս» գործողությանը նվիրված հուշարձան։