Ֆրանսիայի ԱԳՆ-ն Արցախն «Ադրբեջանի կազմում անկլավ» է անվանել

Ֆրանսիայի արտաքին գործերի նախարար Կատրին Կոլոնան France Inter-ին (Ֆրանսիայի հանրային ռադիոկայան) տված հարցազրույցում Լեռնային Ղարաբաղն անվանել է «Ադրբեջանի անկլավ»: 

«Մենք պետք է տարբերենք Հայաստանի և Ադրբեջանի իրավիճակը Լեռնային Ղարաբաղի իրավիճակից, որն անկլավ է Ադրբեջանում` հայերով բնակեցված», – ասել է Կոլոնան։ 

Crossroads-ի փոխանցմամբ` ԱԳ նախարարը նշել է, որ Ֆրանսիան հավատարիմ է երկու երկրների միջև խաղաղության համաձայնագրին նպաստելուն և ասել, որ Ֆրանսիայի, ԵՄ-ի և Արդարադատության միջազգային դատարանի դիրքորոշումն այն է, որ Լաչինի միջանցքի շրջափակումը պետք է վերացնել առանց որևէ պայմանի։ 

Կատրին Կոլոնան հայտարարել է հունիսի 1-ին Քիշնևում՝ Եվրոպական քաղաքական համայնքի 2-րդ գագաթնաժողովի շրջանակներում, Փաշինյանի և Ալիևի հնարավոր հանդիպման մասին։