Վաշինգտոնում ավարտվել են Միրզոյանի և Բայրամովի 4-օրյա բանակցությունները
Վաշինգտոնում ավարտվել են Ադրբեջանի և Հայաստանի արտգործնախարարների 4-օրյա բանակցությունները։
ԱՄՆ պետքարտուղար Էնթոնի Բլինքենը հայտնել է, որ կողմերը վերջին օրերին բարդ հարցեր են քննարկել և առարկայական առաջընթաց արձանագրել խաղաղության պայմանագրի հարցում։
«Վերջնական համաձայնությունը կլինի պատմական և կբխի Հայաստանի ու Ադրբեջանի շահերից»,- հայտնել է Բլինքենը։
Ըստ ԱՄՆ պետքարտուղարի՝ բանակցությունների տեմպը և կողմերի կառուցած հիմքը ցույց են տալիս, որ մոտենում ենք համաձայնությանը։
«Մարաթոնի վերջին մղոնը միշտ ամենադժվարն է, բայց ԱՄՆ-ն այստեղ է` օգնելու մեր ընկերներին, որ հասնեն վերջնագծին»,- նշել է Բլինքենը։
