Լենցովը հանդիպել է Ադրբեջանի ՊՆ նախարարի հետ
Լեռնային Ղարաբաղում ռուսական խաղաղապահ զորախմբի նոր հրամանատար, գեներալ-գնդապետ Ալեքսանդր Լենցովը Բաքվում հանդիպել է Ադրբեջանի պաշտպանության նախարար Զաքիր Հասանովի հետ։ ԶԼՄ-ների հաղորդմամբ՝ ՌԴ խաղաղապահ զորախմբի հրամանատարը և ադրբեջանցի պաշտոնյան քննարկել են Լեռնային Ղարաբաղի տարածքում խաղաղապահ զորախմբի գործունեության պայմանները։
Ապրիլի 28-ին գեներալ Լենցովին Երևանում ընդունել էր ՀՀ պաշտպանության նախարար Սուրեն Պապիկյանը։
Հիշեցնենք, որ գեներալ-գնդապետ Ալեքսանդր Լենցովը ԼՂՀ-ում ռուսական խաղաղապահ զորախմբիր հրամանատար է նշանակվել այս տարվա ապրիլի 26-ին՝ այդ պաշտոնում փոխարինելով գեներալ-մայոր Անդրեյ Վոլկովին։ Մինչ այդ նա եղել է ՌԴ պաշտպանության նախարարի խորհրդականը։
