Ուկրաինական անօդաչուների հարձակման փորձի ժամանակ Պուտինը նստավայրում չի եղել. Պեսկով
Կրեմլի վրա ուկրաինական անօդաչու թռչող սարքերի հարձակման փորձի ժամանակ ՌԴ նախագահ Վլադիմիր Պուտինը նստավայրում չի եղել։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
«Պուտինը Կրեմլում չի եղել անօդաչու սարքերով Կրեմլի վրա հարձակման փորձի պահին»,- ասել է Պեսկովը։ Նրա խոսքերը մեջբերում է ՌԻԱ «Նովոստի»-ն։
Նա հավելել է, որ Պուտինն այժմ աշխատում է Նովո-Օգարևոյում՝ մերձմոսկովյան իր նստավայրում։
Չորեքշաբթի գիշերը Կիևը փորձել է անօդաչու թռչող սարքերով հարվածել Պուտինի՝ Կրեմլում գտնվող նստավայրին, հայտնել է ՌԴ նախագահի աշխատակազմին հղումով։
Ինչպես հայտնել էինք Ուկրաինան գիշերը փորձել է հարվածել Կրեմլին:
