ՌԴ-ն կկարողանա ֆինանսավորել ռազմական գործողությունները Ուկրաինայում ևս մեկ տարի. The Washington Post
Ռուսաստանը կկարողանա ֆինանսավորել ռազմական գործողությունները Ուկրաինայում առնվազն ևս մեկ տարի՝ չնայած միջազգային կոշտ պատժամիջոցներին: Այս մասին գրում է The Washington Post-ը՝ հղում անելով Պենտագոնի գաղտնի փաստաթղթերին, որոնք հայտնվել էին համացանցում։
Ըստ փաստաթղթերի` Ռուսաստանի տնտեսական էլիտայի ոչ բոլոր անդամներն են համաձայն Ուկրաինայի նկատմամբ Կրեմլի կուրսի հետ, և նրանցից շատերը ենթարկվել են պատժամիջոցների։
Այնուամենայնիվ, նրանք դժվար թե հրաժարվեն Ռուսաստանի նախագահ Վլադիմիր Պուտինից իրենց աջակցությունից և «հավանական են, որ ագրեսիվ կերպով պաշտպանեն Կրեմլի նպատակները Ուկրաինայում» և «օգնեն Մոսկվային շրջանցել պատժամիջոցները», ասել է ԱՄՆ հետախուզությունը:
Ռուսաստանի իշխանությունները, ասվում է փաստաթղթում, պատժամիջոցների ազդեցությունը մեղմելու համար «ավելի բարձր են հաշվում կորպորատիվ հարկերը, Ազգային հարստության հիմնադրամից ստացվող միջոցները, ներմուծման ավելացումը, ինչպես նաև ձեռնարկությունների՝ տնտեսական ճնշումները մեղմելու համար հարմարվելու կարողությունը»:
The Washington Post-ը նշում է, որ հետախուզության զեկույցը չի գնահատում սահմանափակող վերջին միջոցների արդյունավետությունը, ինչպես նաև ռուսական նավթի գների վրա շեմ սահմանելու երկարաժամկետ հետևանքները։
Հրապարակումը հավելում է, որ պատժամիջոցները ոչ միայն պետք է ազդեն տնտեսության վրա, այլև որոշակի ազդանշան ուղարկեն ռուսական էլիտաներին:
