Լեռնային Ղարաբաղում ռուս խաղաղապահների հրամանատար է նշանակվել ցամաքային զորքերի գլխավոր հրամանատարի տեղակալ, գեներալ-գնդապետ Ալեքսանդր Լենցովը։ Այս մասին հայտարարել է ՌԴ պաշտպանության նախարարությունը։
 

«2023 թվականի ապրիլի 25-ից ՌԴ ԶՈւ ցամաքային զորքերի գլխավոր հրամանատարի տեղակալ, գեներալ-գնդապետ Ալեքսանդր Լենցովը նշանակվել է ռուսական խաղաղապահ զորախմբի հրամանատար», - նշվում է գերատեսչությունում։
 

Ապրիլի 26-ին ՌԴ նախագահ Վլադիմիր Պուտինը հեռախոսազրույցի ընթացքում Հայաստանի վարչապետ Նիկոլ Փաշինյանի հետ քննարկել է Լեռնային Ղարաբաղի կայունության և անվտանգության ապահովման հարցեր։