ՏԵՍԱՆՅՈՒԹ. Թամանյանական մոտիվներով կասկադ է կառուցվելու. Ավինյան
Այս տարի Նոր Նորքում Սուրբ Սարգիս եկեղեցու եւ Դավիթ Բեկ փողոցի միջնամասում գտնվող այգին կհիմնանորոգվի: Այս մասին այսօր՝ ապրիլի 13-ին, կառավարության նիստում նշեց Երեւանի փոխքաղաքապետ Տիգրան Ավինյանը:
«Սա կասկադի կառուցում է լինելու՝ Թամանայանական նախագծի մոտիվներով կասկադի: 1,4 հեկտար տարածք է, էականորեն կանաչապատվելու է այդ հատվածը»,-ասել է փոխքաղաքապետը:
Ավինյանը նաեւ նշեց, որ Սուրբ Գրիգոր Լուսավորիչ եկեղեցու մոտ շրջակա տարածխքի բարեկարգման աշխտանքներ են իրականացվելու: Այս ծրագրերը քննարկել են նաեւ Վեհափառի հետ եւ իրենց համաձայնությունն են ստացել:
«Այս տարի Երեւանում հիմնանորոգված հանձնելու ենք 22 մանկապարտեզ, հաջորդ տարի պլանավորում ենք 33 մանկապարտեզ հանձնել շահագործման:
Նոր ճանապարհներ ենք կառուցելու, Նորք-Մարաշ վարչական շրջանում Գրիգոր Հովսեփյան փողոցից դեպի Սարալանջ տանող ճանապարհը»,-նշել է Ավինյանը:
Նշենք, որ կառավարությունն իր այսօրվա՝ ապրիլի 13-ի նիստում որոշեց մոտ 10 մլրդ դրամ հատկացնել Երևանում հրատապ լուծում պահանջող խնդիրների վերացմանը:
Մանրամասները` տեսանյութում:
