Սոցցանցերում հայտնվել է գաղտնի փաստաթղթերի նոր խմբաքանակ. NYT
The New York Times-ը հայտնել է Ուկրաինայի, ինչպես նաև Մերձավոր Արևելքի և Չինաստանի վերաբերյալ ԱՄՆ գաղտնի փաստաթղթերի արտահոսքի մասին: Հայտնվել է գաղտնի փաստաթղթերի նոր խմբաքանակ, որոնք, ըստ երևույթին, մանրամասնում են ամերիկյան ազգային անվտանգության գաղտնիքները՝ Ուկրաինայից մինչև Մերձավոր Արևելք և Չինաստան՝ անհանգստացնելով Պենտագոնին: Այս մասին գրում է russian.rt.com-ը:
Պարբերականի տվյալներով՝ արտահոսքի մասշտաբները կարող են գերազանցել ավելի քան 100 փաստաթուղթը։ Դրանք, մասնավորապես, հայտնաբերվել են Twitter-ում և այլ կայքերում։ Նշվում է, որ փաստաթղթերում ներառված են ոչ միայն Ուկրաինայի վերաբերյալ տվյալներ: Մասնավոր կերպով, մի քանի առանձին ազգային անվտանգության գործակալությունների պաշտոնյաներ NYT-ին խոստովանել են, որ շտապում են գտնել արտահոսքի աղբյուրը:
Ավելի վաղ հայտնի դարձավ, որ ԱՄՆ պաշտպանության նախարարությունը հետաքննում է սոցցանցում գաղտնի նյութերի արտահոսքը, որը նկարագրում է Ուկրաինայի զինված ուժերի վիճակը և ուկրաինական բանակն ուժեղացնելու ԱՄՆ-ի ու Հյուսիսատլանտյան դաշինքի ծրագրերը։
