Ուելսի ներկայացուցիչ Լորա Մաքալիսթերը դարձել է Եվրոպական ֆուտբոլային ասոցիացիաների միության (ՈւԵՖԱ) պատմության մեջ առաջին կին փոխնախագահը։
 

ՈւԵՖԱ-ի նախագահ Ալեքսանդր Չեֆերինը նրան և Իտալիայի ֆուտբոլի ֆեդերացիայի ղեկավար Գաբրիելե Գրավինային նշանակել է ՈւԵՖԱ-ի փոխնախագահներ:

58-ամյա Մաքալիսթերը Ուելսի ֆուտբոլի կանանց հավաքականի նախկին ավագն է։ Նա ազգային հավաքականի կազմում խաղացել է պաշտպանի դիրքում և անցկացրել 24 հանդիպում։

Իսկ սլովենացի Ալեքսանդր Չեֆերինը երրորդ անգամ ընտրվեց եվրոպական ֆուտբոլային ասոցիացիաների միության (ՈւԵՖԱ) նախագահ: