Դանիան և Նորվեգիան համատեղ 8000 հրետանու արկ կմատակարարեն Ուկրաինային
Դանիան և Նորվեգիան պայմանավորվել են համատեղ 8000 հրետանու արկ մատակարարել Ուկրաինային, երկուշաբթի հայտնել է Bloomberg-ը՝ հղում անելով Դանիայի պաշտպանության նախարարությանը։
Մասնավորապես, Նորվեգիան արկեր կմատակարարի անմիջապես Կիևին, իսկ Դանիան կտրամադրի ապահովիչներ, հատուկ արկեր հրետանային զինամթերքի հավաքածուների և պարկուճների համար։
Մարտի վերջին ԵՄ գագաթնաժողովում ԵՄ առաջնորդները համաձայնության են եկել առաջիկա 12 ամիսների ընթացքում Կիևին 1 միլիոն հրետանային զինամթերքի անհապաղ մատակարարման պլանների շուրջ:
Մինչ այս, գերմանական Rheinmetall AG պաշտպանական կոնցեռնի գործադիր տնօրեն Արմին Պապպերգերը հայտարարել էր, որ Ուկրաինան ԵՄ-ից խնդրել է ամսական 250 հազար արկ մատակարարել, սակայն, ըստ նրա, նման ծավալի զինամթերք «դժվար կլինի արտադրել»։
