ԼՈՒՍԱՆԿԱՐՆԵՐ. Մեքենան բախվել է գազախողովակին, որը մտել է տան պատուհանից ներս. վիրավորներ կան

Վթար է տեղի ունեցել Էրեբունի թաղապետարանից դեպի Կայարան իջնող ճանապարհին: Auroranews-ի թղթակիցը հայտնում է, որ մեքենան հարվածել է գազախողովակին, որը հարվածից մտել է հարակից սեփական տան պատուհանից ներս: Այնուհետև բախվել ծառին: 

Լուսանկարներում երևում է, որ տարածքն  արդեն սահմանազատվել է: Տեղում աշխատում են ոստիկանները: Հանգամանքները ճշտվում են: 

Ինչպես հայտնում է shamshyan.com-ը  Toyota Camry մակնիշի ավտոմեքենան Սասունցի Դավիթ - Մուրացան փողոցների խաչմերուկում դուրս է եկել ճանապարհի երթևեկելի գոտուց, բախվել մայթեզրի բազալտե եզրաքարին, առաջ ընթացել, բախվել գազատար խողովակի հենասյանը և հայտնվել հետիոտնի համար նախատեսված մայթին, բախվելով ծառին։

Ըստ կայքի տվյալների`  վթարի հետևանքով 2 հոգի մարմնական վնասվածքներով տեղափոխվել են «Էրեբունի» բժշկական կենտրոն։ 

Վիրավորներին առաջինն օգնության են հասել քաղաքացիները, Երևանի գնդի պարեկներն ու շտապօգնության բժիշկնեի հերթապահ խումբը, ովքեր վիրավորներին մինչև հիվանդանոց տեղափոխելը, տեղում առաջին բուժօգնությունն են ցուցաբերել։

Ըստ նախնական տեղեկությունների՝ վթարի մեղավորը եղել է Ford մակնիշի ավտոմեքենայի վարորդը, ով վթարային իրավիճակ է ստեղծել Toyota-ի վարորդի համար, ինչն էլ դարձել է վթարի պատճառ։ 

Ford-ի վարորդը փախուստի չի դիմել, տեղում ենթարկվել է սթափության փորձաքննության, նա եղել է սթափ։

[e27249c6764fe360506f084bec36dd3f.PNG]
 

[db5eb305b309e645685af945c6ef2a87.PNG]