Բելառուսը ԱՄՆ-ին կոչ է արել դուրս բերել միջուկային զենքը Եվրոպայից և Թուրքիայից
ՆԱՏՕ-ի երկրները պետք է դադարեցնեն համատեղ միջուկային առաքելությունները, իսկ ԱՄՆ-ն պետք է դուրս բերի իր միջուկային զենքը Եվրոպայից և Թուրքիայից։ Այս մասին մարտի 31-ին հայտարարել է ՄԱԿ-ում Բելառուսի մշտական ներկայացուցիչ Վալենտին Ռիբակովը։
«Մենք կոչ ենք անում Ուկրաինային վճռականորեն, խիզախորեն պահանջել ՆԱՏՕ-ից դադարեցնել համատեղ միջուկային առաքելությունների պրակտիկան, իսկ ԱՄՆ-ից՝ հանել իր միջուկային զենքերը Բելգիայից, Գերմանիայից, Նիդեռլանդներից և Թուրքիայից»,- ասել է նա՝ ելույթ ունենալով ՄԱԿ-ի Անվտանգության խորհրդի նիստի ժամանակ։
Ինչպես նշել է Ռիբակովը՝ այդ երկրները, ըստ Ուկրաինայի և Անվտանգության խորհրդի անդամ որոշ երկրների տերմինաբանության՝ ակնհայտորեն կարելի է անվանել օկուպացված պետություններ կամ ԱՄՆ-ի կողմից պատանդ պահվող երկրներ։
Ավելի վաղ՝ մարտի 31-ին, Բելառուսի նախագահ Ալեքսանդր Լուկաշենկոն հայտարարել էր, որ ակտիվացրել է իր ռուս գործընկեր Վլադիմիր Պուտինի հետ միջուկային զենքը հանրապետություն վերադարձնելու շուրջ բանակցությունները։ Նրա խոսքով՝ Բելառուսում միջուկային զենքի տեղակայումը շանտաժ չէ, այլ հնարավորություն կլինի ապահովելու պետությունը։
