Իրանի բանակի ցամաքային զորքերի հրամանատար Կիոմարտ Հեյդարին սպառնում է Ադրբեջանին: Տեղեկատվությունը փոխանցում են ադրբեջանական լրատվամիջոցները: Նա մասնավորապես նշել է. 

«Կովկասում կան մի քանի շատ զգայուն հարցեր։ Դրանցից մեկը Սիոնիստական ​​ռեժիմի տարրերի առկայությունն է Ադրբեջանի սահմանների մոտ։ Իրանը չի հանդուրժի սիոնիստական ​​տարրերի ներկայությունը տարածաշրջանի երկրներում եւ կհակազդի նրանց։ Մյուս խնդիրը տարածաշրջանում պետական ​​սահմանների փոփոխման անօրինականությունն է։ Իրանը հարգում է հարևան երկրների սահմանները և թույլ չի տա, որ դրանք փոխվեն»,- ասել է Հեյդարին: