Ռուսաստանը 22 անգամ ավելացրել է նավթի արտահանումը Հնդկաստան

«2022թ․ ռուսական էներգառեսուրսների մատակարարումների մեծ մասը վերակողմնորոշվել է դեպի բարեկամ երկրների շուկաներ», - հայտարարել է ՌԴ փոխվարչապետ Ալեքսանդր Նովակը՝ ՌԴ էներգետիկայի նախարարության կոլեգիայի եզրափակիչ հանդիպման ժամանակ։ 

Մասնավորապես, ավելացել են նավթի մատակարարումները Չինաստան, իսկ Հնդկաստան նավթի արտահանումն աճել է 22 անգամ։ Ռուսական նավթի արտահանումը 2022 թվականին աճել է 7,6%-ով՝ հասնելով 242,2 մլն տոննայի։ Ռուսաստանի կողմից նավթի արդյունահանումն անցյալ տարի աճել է 2%-ով՝ մինչև 535,1 մլն տոննա։