Իրանի հյուսիսում գտնվող գործարանում պայթյունի հետևանքով երեք մարդ է զոհվել․ IRNA

Առնվազն երեք մարդ է զոհվել, ևս երեքը վիրավորվել են Իրանի Իսլամական Հանրապետության հյուսիսում գտնվող Բաբոլ քաղաքի (Մազանդերանի նահանգ) ձեռնարկություններից մեկում պայթյունի հետևանքով։ Այս մասին ТАСС-ի փոխանցմամբ երեքշաբթի հայտնել է IRNA-ն։
 

Նշվում է, որ  միջադեպը տեղի է ունեցել քաղաքի արևելյան հատվածում։ Պայթյունի պատճառը ձեռնարկության աշխատակիցների կողմից անվտանգության կանոնների չպահպանումն է։ Բոլոր տուժածները հոսպիտալացվել են, նրանց վիճակը բժիշկները գնահատում են բավարար։

Պայթյունի հետևանքով հրդեհ է բռնկվել, որն ավերել է ձեռնարկության տարածքի մոտ կեսը։ Այս պահին հրդեհը տեղայնացված է, քաղաքի մյուս արտադրական օբյեկտները չեն տուժել։