Չինաստանից արձագանքել են Թրամփի կողմից հնչեցված մեղադրանքներին

Չինաստանի ԱԳՆ պաշտոնական ներկայացուցիչ Լին Ցզյանն արձագանքել է ԱՄՆ նախագահ Դոնալդ Թրամփի այն պնդմանը, թե Պեկինը իբր միջամտել է 2020 թվականի Ամերիկայի նախագահական ընտրություններին։ Այս մասին հայտնում է ՏԱՍՍ-ը։

Դիվանագետն ընդգծել է, որ նման հայտարարությունները «զուտ հորինվածք են և չարամիտ զրպարտություն»։

Լին Ցզյանը շեշտել է, որ Չինաստանը միշտ հավատարիմ է եղել այլ պետությունների ներքին գործերին չմիջամտելու սկզբունքին, երբևէ հետաքրքրություն չի ցուցաբերել դրա նկատմամբ և երբեք չի միջամտել Միացյալ Նահանգների ընտրություններին։

Հիշեցնենք` Թրամփը հայտարարել էր, որ ԱՄՆ-ում «խորքային պետության» ներկայացուցիչները երկրի ղեկավարությունից և ամերիկացիներից թաքցրել են տեղեկատվությունը ընտրություններին Չինաստանի ենթադրյալ միջամտության մասշտաբների մասին։