Իրանում ԱՄՆ-ի հարվածների հետևանքով ոչնչացվել է հինգ կամուրջ

Իրանի հարավում գտնվող Բենդեր Աբբաս նավահանգստային քաղաքում ԱՄՆ-ի գիշերային հարվածների հետևանքով ոչնչացվել է հինգ կամուրջ։ Այս մասին հաղորդում է Իրանի պետական IRIB հեռուստառադիոընկերությունը։

«Անցած գիշեր Բենդեր Աբբասում ԱՄՆ-ի հարվածների հետևանքով ոչնչացվել է հինգ կամուրջ», - նշվում է IRIB-ի X սոցիալական հարթակում հրապարակված հաղորդագրության մեջ։

Հիշեցնենք, որ հունիսի 18-ի գիշերը Թեհրանն ու Վաշինգտոնը ստորագրել էին հուշագիր, որը նախատեսում էր փետրվարի 28-ից սկսված հակամարտության ավարտը։ Սակայն հուլիսի 8-ից ԱՄՆ զինված ուժերը մի քանի հարվածներ են հասցրել Իրանի տարածքին։ ԱՄՆ կենտրոնական հրամանատարությունը (CENTCOM) հայտարարել էր, որ դրանք պատասխան են Հորմուզի նեղուցով անցնող առևտրային նավերի դեմ Իրանի գործողություններին։

Իրանը պատասխան հարվածներ է հասցրել Մերձավոր Արևելքի մի շարք երկրներում տեղակայված ամերիկյան ռազմաբազաներին և մեղադրել Վաշինգտոնին հրադադարի մասին հուշագիրը խախտելու մեջ։ Իսկ ԱՄՆ նախագահ Դոնալդ Թրամփը հուլիսի 9-ին հայտարարել էր, որ հրադադարի ռեժիմն այլևս չի գործում։