Հյուսիսային Կորեան պետք է պատրաստ լինի միջուկային զենք կիրառել պատերազմը կանխելու համար․ Կիմ Չեն Ըն
ԿԺԴՀ-ի առաջանորդ Կիմ Չեն Ընը հայտարարել է, որ Հյուսիսային Կորեան պետք է պատրաստ լինի պատերազմը կանխելու համար ցանկացած պահի միջուկային զենք կիրառել։ Տեղեկությունը հայտնում է Reuters գործակալությունը՝ հղում անելով Կորեայի կենտրոնական հեռագրային գործակալությանը։
Հյուսիսային Կորեայի ղեկավարությունը հաղորդել է, որ իրենց մարտավարական հրթիռը, որն արձակվել է փորձարկումների շրջանակներում, անցել է 800 կմ և խոցել թիրախը։
