ՏԵՍԱՆՅՈՒԹ. Հայկ Խլոյանը` բրոնզե մեդալակիր
Հայաստանի հունահռոմեական ոճի ըմբիշ Հայկ Խլոյանը բրոնզե մեդալ նվաճեց Բուխարեստում ընթացող Եվրոպայի մինչև 23 տարեկանների առաջնությունում:
Մեր 97 կգ քաշային մարզիկը նախ սփոփիչ գոտեմարտերում վստահ հաղթեց Լեհաստանի և Թուրքիայի ըմբիշներին, իսկ 3-րդ տեղի համար մրցամարտում առավելության հասավ լիտվացի Մինդաուգաս Վենկաիտիսի նկատմամբ:
Իսկ ահա 67 կգ քաշային Աշոտ Խաչատրյանը բրոնզե մեդալի համար պայքարում չնայած ոչ-ոքի ավարտեց իսրայելցի Շոն Նադորգինի հետ մրցամարտը՝ 5:5, սակայն պարտվեց վերջին միավորը զիջելու համար:
Այդպիսով, մեր ըմբիշները Եվրոպայի առաջնությունում նվաճեցին 4 մեդալ, 1 արծաթ, 3՝ բրոնզ: Թիմային հաշվարկով Հայաստանի հավաքականը զբաղեցրեց 5-րդ տեղը՝ վաստակելով 105 միավոր: Առաջին տեղը գրավեց Թուրքիան։
