Պուտինը վախենում է Թրամփից. Զելենսկի
Ուկրաինայի նախագահ Վլադիմիր Զելենսկին հայտարարել է, որ Ռուսաստանի նախագահ Վլադիմիր Պուտինը վախենում է ԱՄՆ նախկին նախագահ Դոնալդ Թրամփից, մինչդեռ եվրոպացի առաջնորդներից, նրա խոսքով, չի վախենում։ Այդ մասին Զելենսկին ասել է France 2 հեռուստաալիքին տված հարցազրույցում։
Զելենսկու խոսքով՝ Թրամփը գիտակցում է, որ ունի Ռուսաստանի վրա ազդեցության իրական լծակներ՝ տնտեսության, պատժամիջոցների և ԱՄՆ նախագահի պաշտոնի հնարավորությունների միջոցով։
«Հենց Պուտինն է վախենում Թրամփից, ոչ թե հակառակը։ Եթե Թրամփը հասկանում է, որ Պուտինը վախենում է իրենից, ապա նա չի կարող ընդունել այն բոլոր պայմանները, որոնք առաջադրում է Ռուսաստանի նախագահը»,- ասել է Ուկրաինայի ղեկավարը։
Լրագրողի հարցին՝ արդյոք դա նշանակում է, որ Պուտինը չի վախենում եվրոպացի առաջնորդներից, Զելենսկին դրական պատասխան է տվել։
