Վերին Լարս տանող ճանապարհին գազատար բեռնատար է կողաշրջվել և այրվել
Վրաստանի Դուշեթի համայնքում, Ջինվալի-Անանուրի ճանապարհահատվածում (որը միանում է «Վերին Լարս» անցակետին), տեղի է ունեցել մեծ ավտովթար։ Գազով լցված տրեյլերը կողաշրջվել է և բռնկվել։
Մեքենան բռնկվել է անմիջապես կողաշրջումից հետո։ Վարորդը ստացել է թեթև մարմնական վնասվածքներ և տեղափոխվել հիվանդանոց։
Վրաստանի ՆԳՆ-ն արդեն սկսել է հետաքննություն՝ այն հոդվածով, որը վերաբերում է երթևեկության անվտանգության կանոնների կամ տրանսպորտի շահագործման խախտմանը (Վրաստանի քրեական օրենսգրքի 276-րդ հոդված):
