ԱՄՆ-ն կստեղծի միջազգային դաշինք՝ կարևոր օգտակար հանածոների արդյունահանման և արտադրության համար
ԱՄՆ-ն նախատեսում է ստեղծել միջազգային դաշինք՝ կարևոր (կրիտիկական) օգտակար հանածոների արդյունահանման և արտադրության ոլորտում, որտեղ կգործեն ֆիքսված գների մեխանիզմներ։ Այս մասին հայտարարել է ԱՄՆ փոխնախագահ Ջեյ Դի Վենսը։
Նրա խոսքով՝ դաշինքին մասնակցող երկրները կհամաձայնեցնեն առանձին հանքանյութերի համար «հղումային գներ» (reference prices) և կաշխատեն դրանք պահպանել կայուն մակարդակի վրա։
Վենսը նշել է, որ նախաձեռնության նպատակն է ապահովել ռազմավարական նշանակություն ունեցող հանքանյութերի շուկայի կանխատեսելիությունն ու կայունությունը, ինչպես նաև նվազեցնել մատակարարման շղթաների ռիսկերը։
ԱՄՆ իշխանությունների գնահատմամբ՝ նման ձևաչափով համագործակցությունը կարող է կարևոր դեր խաղալ բարձր տեխնոլոգիաների, էներգետիկայի և պաշտպանական ոլորտների համար անհրաժեշտ հումքի ապահովման հարցում։
