Քաղաքականություն Կարևոր

Տեղաշարժվելու խնդիր ունեցող թոշակառուների քարտերը կառաքվեն․ Թորոսյան

Տեղաշարժվելու խնդիր ունեցող թոշակառուների քարտերը կառաքվեն․ Թորոսյան
Աշխատանքի և սոցիալական հարցերի նախարարությունը կաջակցի այն թոշակառուներին, որոնք հենաշարժական, առողջական կամ այլ օբյեկտիվ պատճառներով չեն կարողանում բանկ այցելել՝ նոր քարտ ստանալու կամ կենսաթոշակի…

Աշխատանքի և սոցիալական հարցերի նախարարությունը կաջակցի այն թոշակառուներին, որոնք հենաշարժական, առողջական կամ այլ օբյեկտիվ պատճառներով չեն կարողանում բանկ այցելել՝ նոր քարտ ստանալու կամ կենսաթոշակի համար տարեկան հաստատումը անցնելու նպատակով։ Այս մասին Ազգային ժողովում հայտարարել է Աշխատանքի և սոցիալական հարցերի նախարար Արսեն Թորոսյանը։


«Մենք ունենք քաղաքացիներ, որոնք չեն կարողանում տեղաշարժվել տարբեր պատճառներով՝ հիմնականում առողջական: Ես պաշտոնապես հայտարարում եմ՝ մենք այդ քաղաքացիների հարցը լուծելու ենք, իրենք անհանգստանալու խնդիր չունեն: Մենք արդեն փորձնական 10 նման քաղաքացու վարժություն ենք արել և «Հայփոստի» միջոցով քարտը և PIN-ն ուղարկել ենք տուն»,- ասել է նա։


Նրա խոսքով՝ մնացած բոլոր քաղաքացիների դեպքում ևս քարտերը կկառաքվեն բնակության վայր։


«Որևէ խնդիր չի առաջանա, որևէ մեկը չի զրկվելու իր կենսաթոշակը կամ նպաստը ստանալու իրավունքից: Մինչև ապրիլի 1-ն այդ հարցը լուծած կլինենք»,– հավելել է Թորոսյանը։


Նախարարի պնդմամբ՝ քարտերը կառաքվեն, իսկ մյուս ծառայությունների հետ կապված հարցերը կկարգավորվեն նորարարական լուծումներով։

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (8207) Միջազգային (3559) ԱՄՆ (2393) Ռուսաստան (2305) Իրան (1802) Ընտրություններ (1285) Ուկրաինա (936) Երևան (824) Իսրայել (770) Ադրբեջան (685) Փաշինյան (613) Եվրոպա (535) Ազգային ժողով (520) Ընդդիմություն (500) Թրամփ (461)

Radio Aurora

Լսել Radio Aurora

Գովազդային տարածք

300x250