Ռուսաստանը ԴՍՆՎ-ի ժամկետի ավարտից հետո կգործի պատասխանատու և կշռադատված. ԱԳՆ

Ռուսաստանը մտադիր է պատասխանատու և կշռադատված քայլեր ձեռնարկել ԴՍՆՎ-ի (Ռազմավարական հարձակողական զինատեսակների կրճատման պայմանագիր) ժամկետի ավարտից հետո։ Այս մասին հայտարարել են Ռուսաստանի արտաքին գործերի նախարարությունում՝ միաժամանակ ընդգծելով, որ Մոսկվան շարունակում է բաց մնալ ռազմավարական կայունության ապահովման դիվանագիտական ուղիների որոնման համար։

ՌԴ ԱԳՆ-ում նշել են, որ մինչ այժմ Ռուսաստանը ԱՄՆ-ից չի ստացել պաշտոնական արձագանք Մոսկվայի առաջարկին՝ փոխադարձաբար պահպանել ԴՍՆՎ-ով սահմանված քանակական սահմանափակումները։

Վաշինգտոնի մոտեցումը պայմանագրի վերաբերյալ ռուսական նախաձեռնությանը նախարարությունում որակել են որպես սխալ և ափսոսանք հարուցող։ Միևնույն ժամանակ ընդգծվել է, որ ԴՍՆՎ-ի ժամկետի ավարտից հետո Ռուսաստանը պատրաստ է կիրառել վճռական ռազմատեխնիկական հակաքայլեր՝ ի պատասխան առաջացող սպառնալիքների։

ՌԴ ԱԳՆ-ի գնահատմամբ՝ պայմանագրի գործողության ավարտից հետո կողմերը այլևս կապված չեն դրա պարտավորություններով և ազատ են իրենց հետագա քայլերի ընտրության հարցում։