Առաջին զոհերը` Լեհաստանում․ ձմեռը սկսել է խլել կյանքեր
Լեհաստանում հաստատվել են ձմռան առաջին մահվան դեպքերը․ երկիրը բախվել է անոմալ սառնամանիքների, որոնք արդեն իսկ տասնյակ մարդկային կյանքեր են խլել։ Ներքին գործերի նախարարության պաշտոնական տվյալների համաձայն՝ ձմռան սկզբից ի վեր հիպոթերմիայի հետևանքով մահացածների թիվը անցել է հիսունը։
Իշխանությունները չեն թաքցնում, որ իրավիճակը դուրս է գալիս «սովորական ցուրտ եղանակի» սահմաններից։ Ըստ պաշտոնական տեղեկությունների՝ առնվազն 50 մարդ մահացել է, ևս 36-ը փրկվել են, սակայն գտնվում են բժիշկների հսկողության տակ։
Հատկանշական է, որ մահվան բազմաթիվ դեպքեր գրանցվել են ոչ թե հեռավոր գյուղական շրջաններում, այլ քաղաքներում՝ տաք շենքերի և օգնության կետերի անմիջական հարևանությամբ։ Մասնագետները զգուշացնում են, որ առաջիկա օրերին սպասվում են նոր գիշերներ՝ ծայրահեղ ցածր ջերմաստիճաններով, ինչը կարող է էլ ավելի բարդացնել իրավիճակը։
Ստեղծված պայմաններում Վարշավայի իշխանությունները ձեռնարկել են արտակարգ միջոցներ․ քաղաքում գործարկվել են անվճար գիշերային ավտոբուսներ, որտեղ մարդիկ կարող են տաքանալ, ինչպես նաև տեղադրվել են հատուկ վրաններ՝ սառնամանիքից պաշտպանվելու համար։
