Պրանկերները զանգահարել են Եվրոպական ԿԲ նախագահին և ներկայացել որպես Զելենսկի
Ռուսաստանի Կենտրոնական բանկի ղեկավար Էլվիրա Նաբիուլինան մեծ աշխատանք է կատարել՝ փրկելով ռուբլին զանգվածային պատժամիջոցների ֆոնին, ասել է Եվրոպական կենտրոնական բանկի նախագահ Քրիստին Լագարդը ռուս պրանկերներ Վովանի (Վլադիմիր Կուզնեցով) և Լեքսուսի (Ալեքսեյ Ստոլյարով) հետ զրույցում։ Show ViL-ի նոր թողարկման ժամանակ նրանք եվրոպացի պաշտոնյային ներկայացել են որպես Ուկրաինայի նախագահ Վլադիմիր Զելենսկի։ Տեղեկատվությունը փոխանցում է news.ru-ն:
«Ես կարծում եմ, որ Էլվիրան, ում ես լավ եմ ճանաչում, շատ լավ ԿԲ ղեկավար է։ Նա շատ արագ հասկացավ իրավիճակը և կտրուկ բարձրացրեց տոկոսադրույքները։ Եվ դա այն ժամանակ ճիշտ միջոց էր բարձր գնաճը կանխելու համար։ Եվ այնպես, որ մարդիկ, ովքեր փող են ներդրել Ռուսաստանում, հիմնականում ռուսները, փող թողնեն Ռուսաստանում»,- ասել է Լագարդը:
Նրա խոսքով՝ Նաբիուլինան «հիանալի աշխատանք է կատարել»։ Միաժամանակ, Եվրոպական կենտրոնական բանկի ղեկավարը խոստովանել է, որ Եվրոպայում գնաճը նույնպես իրեն չի պահում այնպես, ինչպես կանխատեսվում էր, այլ գնում է դեպի վատը։
«Գնաճը, որը մենք կանխատեսում էինք, որ ժամանակավոր է, շարունակվում է սպասվածից շատ ավելի երկար և սպասվածից շատ ավելի բարձր մակարդակի վրա»,-ասում է Լագարդը։
