Մեկնարկել են Ռուսաստանի, Չինաստանի և Իրանի համատեղ ռազմածովային զորավարժությունները
Ռուսաստանի, Չինաստանի և Իրանի «Ծովային անվտանգության գոտի-2023» եռակողմ ռազմածովային զորավարժությունները մեկնարկել են Արաբական ծովում՝ իրանական Չահբահար նավահանգստի մոտ։ Այս մասին չորեքշաբթի հայտնել է ՌԴ պաշտպանության նախարարությունը։
Ռուսական կողմը ներկայացված է Հյուսիսային նավատորմի նավերի ջոկատով՝ «Խորհրդային Միության նավատորմի ծովակալ Գորշկով» ֆրեգատը և «Կամա» միջին ծովային տանկերը։
Զորավարժությունների ռազմածովային փուլը տեղի կունենա մարտի 16-ից 17-ը։ Այս փուլի շրջանակներում մասնակիցները կմշակեն ռազմանավերի ազգամիջյան ջոկատի ձևավորում, համատեղ մանևրումներ և հրետանային կրակահերթ կկատարեն ինչպես ցերեկը, այնպես էլ գիշերը։ Նաև կմշակվի գրավված նավի ազատման դրվագ, օգնություն ծովում վթարի ենթարկված նավերին և մի շարք այլ խնդիրներ։
Ռազմական գերատեսչությունում պարզաբանել են, որ համատեղ աշխատանքի արդյունքները «Ծովային անվտանգության գոտի - 2023» զորավարժությունների ավարտից հետո կամփոփվեն մարտի 18-ին։
