Հռոմի պապը պատրաստ է Կիև մեկնել, բայց պայմանով

Հռոմի Ֆրանցիսկոս պապը պատրաստ է Կիև մեկնել, բայց պայմանով, որ նաև Մոսկվա կմեկնի։ Նա այդ մասին հայտնել է «La Nació» թերթի հետ զրույցում։ 
«Պատրաստ եմ Կիև մեկնել։ Ուզում եմ գնալ Կիև։ Բայց նաև Մոսկվա մեկնելու պայմանով։ Կա՛մ երկու քաղաքներն էլ կայցելեմ, կա՛մ ոչ մեկը», – ասել է նա։  Նա հույս է հայտնել, որ կհաջողվի դա անել։ 
 

Վատիկանը բազմիցս հայտարարել է, որ պատրաստ է միջնորդի դեր ստանձնել ուկրաինական հակամարտության կարգավորմանն ուղղված բանակցությունների համար։ Նախորդ տարվա նոյեմբերին քահանայապետը «la Stampa» թերթի հետ զրույցում ասել էր, որ Սուրբ աթոռը պատրաստ է անել հնարավոր ամեն բան հակամարտությանը վերջ տալու համար։ Ավելի վաղ նա հայտարարել էր, որ Ուկրաինայում հնարավոր է խաղաղության հասնել։