Չեմ կարող հետևել, թե ինչպես են աչքիս առաջ երկիրը «պատառ–պատառ անում»․ Իսրայելի նախագահ
Իսրայելը անդառնալի կետում է, Բենյամին Նեթանյահուի կառավարությանն էլ անհրաժեշտ է հրաժարվել երկրում իրավական բարեփոխումներից։ Այս մասին, ՌԻԱ Նովոստիի փոխանցմամբ, հայտարարել է երկրի նախագահ Իցհակ Հերցոգը բնակչությանն ուղղված հեռուստաուղերձում։
«Սխալ, թալանող օրինագիծ է, խարխլում է մեր ժողովրդավարական բարքերը։ Այն պետք է փոխարինվի մեկ այլ` համաձայնեցված նախագծով, և դա պետք է արվի անհապաղ», – ասել է պետության ղեկավարը։
Հերցոգը հայտարարել է նաև, որ այլևս չի կարող հետևել, թե ինչպես են իր աչքի առաջ երկիրը «պատառ–պատառ անում»։
Նշենք, որ արտակարգ հեռուստաուղերձը հետևել է Իսրայելում բազմահազարանոց ցույցերի հերթական օրվան, որի ընթացքում ցուցարարները փակել են հիմնական մայրուղիները, արգելափակել նաև Բեն Գուրիոն օդանավակայան տանող ճանապարհը։
