Վերականգնվել է Զապորոժիեի ԱԷԿ-ի էլեկտրամատակարարումը

«Росэнергоатом» -ի գլխավոր տնօրենի խորհրդական Ռենատ Կարչաան հայտնել է, որ վերականգնվել է Զապորոժեի ԱԷԿ-ի էլեկտրամատակարարումը։ Հինգերորդ և վեցերորդ էներգաբլոկները մոտ ապագայում կկարողանան ամբողջությամբ վերադառնալ այն վիճակին, որում գտնվում էին մինչև էլեկտրամատակարարման կորուստը, հայտնում է ՏԱՍՍ-ը։
 

Հիշեցնենք, որ Ուկրաինան ամբողջությամբ դադարեցրել է էլեկտրաէներգիայի մատակարարումը Զապորոժիեի ատոմակայանին հինգշաբթի լույս մարտի 9-ի գիշերը։ Հոսանքազրկման պահին վերանորոգվում էին առաջին և երրորդ էներգաբլոկները, երկրորդը և չորրորդը սառը անջատման ռեժիմում էին, հինգերորդը և վեցերորդը աշխատում էին տաք անջատման ռեժիմով, այսինքն՝ էլեկտրաէներգիա չի արտադրում, բայց ապահովում է ջեռուցում ներքին կարիքների և Էներգոդարի տների համար։
 

«Կարելի էր կանխել անցումը սառը անջատման ռեժիմի. ներկա իրավիճակում դա շատ դժվար էր անել, բայց Զապորոժիեի ատոմակայանում աշխատում են բարձր մասնագետներ», - ասել է Ռենատ Կարչաան:
 

Կարչաան ասել է, որ կարճմիացումը, որը հանգեցրել է ատոմակայանի անջատմանը, տեղի է ունեցել Կիևի կողմից վերահսկվող տարածքում՝ ատոմակայանից զգալի հեռավորության վրա: Նա չի բացառել գիծը միտումնավոր փակելու հնարավորությունը։